Seljord kommune arrangerer kurs i livberging og livbergingsprøver for basseng kvar haust når symjehallen opnar etter haustferien.
Kommunen arrangerer også utandørs livbergingskurs for tilsette i skule og barnehage, i tillegg til heildagskurset i livredning i basseng.
Vi har og sett krav til grunnleggjande fyrstehjelpsopplæring for alle som jobbar med barn og unge. kravet er opplæring minst kvart 4.år. Avdelingane arrangerer kursa sjølv, gjerne i samarbeid. Einingsleiarane fører interne sjekklister.
Seljord kommune har bestemt at tilsette som fylgjer barn eller vaksne i bassenget eller utandørs skal ha prøva kvart år. Fullt kurs er det krav om å ta minst kvart 5.år.
Grunnlaget til kravet om livbergingsprøver ligg i Forskrift til opplæringslova: § 12-1. Tryggleik for elevane:
”I situasjonar der skolen er ansvarleg for symjing og bading i grunnskolen, skal det alltid vere ein tilsynsansvarleg, vaksen person til stades. Dersom den gruppa skolen har ansvaret for, overstig 15, skal tilsynet aukast med ein vaksen tilsynsperson for kvar påbegynt gruppe på 15.
Dei som fører tilsyn, må vere flinke til å symje og dykke, og må kunne livredning. Tilsynet må aukast ytterlegare når omsynet til tryggleik gjer det nødvendig.”
I Veileder til forskrift for Helse og miljø i skolen står fylgjande:
"Ansatte som har ansvar for elever i forbindelse med svømmeopplæring og på tur til vann/sjø, skal ha årlig oppdatert kompetansebevis for «Livredning for personale i skole og barnehage», jf. Opplæringsloven § 12.1 og rundskriv 1-2008 fra utdanningsdirektoratet med hensyn til dette".
Tilsvarande gjeld for barnehagane, sjå lenke til Rettleiar for helse og miljø i barnehagane.
Dei årlege kursa og prøvene i symjehallen er for alt personalet som fylgjer barn og pasientar/klientar i basseng. Kursa består av ein teoretisk del og ein praktisk del i basseng.
Det blir gjennomgått grunnleggjande livberging, og prøvetakar må gjennom ein praktisk prøve som består av å hoppe eller stupe frå kanten av bassenget, synje 100 m bryst og 100 m rygg, dykke og hente opp livbergingsdokka frå 1,8 m djup, ilandføre ein makker 25 m, gjennomføre hjarte-lungeredning/ hjartekompresjon.
Sjå lenker nedanfor til Forskrift til opplæringslova, Miljø og helse i barnehagen - Veileder til forskrift om miljøretta helsevern i barnehager og skoler, og Miljø og helse i skolen - Veileder til Miljøretta helsevern i barnehager og skoler.
