Nytt designprogram for Seljord kommune

Seljord kommune har ein heilskapleg visuell identitet. Det betyr at vi skal framstå med ein felles visuell identitet i alle våre digitale og trykte flater.
Kommunen har vedteke ein ny designprofil. Det overordna målet med den nye grafiske profilen til Seljord kommune er å effektivisere utvikling av ekstern og intern kommunikasjon, og å sørge for at kommunikasjonen framstår heilskapleg. Profilens visuelle identitet skal vere unik, tydeleg og gjenkjennbar slik at det er enkelt å oppfatte at Seljord kommune er avsendar.
Den visuelle profilen til Seljord kommune skal i fyrste omgang byggje på kommunevåpenet, designelement, fargar og skriftsnitt/typografi.
Profilen skal spegle kommunens visjon: Det gode vertskap. 
Vi har laga ei eiga side om Designprogrammet. I designmanualen finn du alle logoane  til nedlasting.